Shillong, Nailar:
Ka Toyota Kirloskar Motor (TKM) ka la dep ban ïasoi ïa ka soskular ïasngewthuh jingmut ne ka Memorandum of Understanding (MOU) bad ka sorkar Maharashtra ban nang pynïar shuh shuh ïa ka kam sa da kaba buh ïa ka Green Field Manufacturing Facility ha Chhatrapati Sambhaji Nagar. Ka jingtyrwa ban leh ïa kane ka jingbei tyngka ka pyni ïa ka jingtrei ba radbah jong ka TKM na ka bynta ka India ha kaba ïadei bad ka karkhana shna kali, hadien ka jingbei tyngka jong ka ha Karnataka.
Kane ka MOU la ïasoi hadpeng u Dr. Harshadeep Kamble, Principal Secretary (Industries), ka sorkar Maharashra, bad u Sudeep Santram Dalvi, Director & Chief Communications Officer jong ka TKM, ha ka jingïadonlang jong u Myntri Rangbah ka jylla Maharashtra u Eknath Shinde, ki Symbud Myntri Rangbah u Devendra Fadnavis bad u Ajit Pawar, bad ki nongmih khmat ba paw jong ka TKM kynthup ïa u MD bad CEO u Masakazu Yoshimura bad Vice Chairperson ka Manasi Tata.
Ka Headquarter ka TKM ha Karnataka, ka pyntreikam ïa ki ar tylli ki jaka shna kali kiba la shna bha katkum ka jingstad kajuk mynta ïa kaba la shna ha Bidadi bad ka jinglah ban pynmih ïa ki kali na kane ka jaka shna ka long 3.42 lak tylli. Kane ka jingtei bathymmai ha Maharashtra la khmih lynti ban nang kham pynbha shuh shuh ïa ka jingpynmih kali ka TKM bad kyrshan ïa ka India ban lah ban nang ïaid shakhmat ban wanrah ïa ka jingkhuid, ka jingjyrngam bad ki lad ki lynti kiba bha ha kaba ïadei bad ki kali.
Haba kren shaphang ka MOU, U MD ka TKM bad CEO U, Masakazu Yoshimura, u ong, “Kane ka jingïamynjur ka pyni ïa ka dak jong ka jingïaid lynti ba kyrpang jong ka Toyota ban noh synñiang sha ka India ha ka liang ka jingshna bad kumjuh ruh ban pynurlong ïa ki jingangnud kiba ïadei bad ka mariang. Ngi la aiti lut ban wanrah ka jingkyrwa ban wanrah ïa ki lad ki lynti ba ïaineh ban nang kham pynbha shuh shuh ïa ka jingim jong ngi la ka long ha la ka jong ka ri bad shabar ri.
