Shillong, Nailar 06
Ka kynhun ki ‘thei ïalehkai Under-17 jong ka Christian Higher Secondary School na Pahamsyiem Nongpoh ka la ïoh ïa ka jingjop kaba nyngkong ha ka Subroto Cup International Football Tournament 2024. Kane ka wan urlong lyngba ka jinglah ban pynliem ïa ka Indian Public School Conference (IPSC) haduh 10-1 kol ha ka Sngi Ba-ar ha ka nongbah Delhi.
Ha kane ka jingïakhun jong ka Group-D, ka kynhun ïalehkai na ka Jylla hapoh ka jingïalam ka Kong Ïaikyntiew Nongkynrih, ka la lah ban ïalehkai bha naduh kaba sdang ha kaba ka Pynibha Rangthaluh ka la ïoh ar tylli hat-trict hadien ba ka la ïoh ban thep marwei haduh 6 kol, katba ïa kawei pat ka hat-trick la ïoh da ka Daiamon Makhroh kaba la thep saw kol.
Kane ka kynhun kan pynkhreh ïa ka jingïakhun ba-ar pyrshah ïa ka Maharashtra ha ka por 3:30 janmiet.
