Jowai, Nailar 06
Ka lympung ïalehkai Under -17 Football Tournament Independence Day Cup ba la pynïaid da ka West Jaiñtia District Sports Association (WJDSA) ka la nangjam shaphrang ha Kiang Nangbah Stadium kaba ha Jowai.
Ha ka jingïalehkai kaba la long ha ka Sngi Ba-ar, ka Khimusniang ka la pynliem noh ïa ka Caroline da 3-1 kol. U Thaslang Syrti u la ïoh ban thep ar kol ha ka minit kaba 34 & 46 bad ïa kawei pat la pynbud da u Meroily Lytan ha ka minit kaba 59. Katba Caroline ka la lah ban pynphai kylla shi kol lyngba u Hopefulson Maskut ha ka minit kaba 38.
Ha ka jingïakhun kaba bud, ka Hynñiew Wasa ka la pynliem ïa ka Khliehmyntang ïalong da 4-1. Ïa kine la thep da u Riphi o Shylla ha ka minit kaba 7, kumjuh u Kamjuhhi Phawa (44), Overson Shullai (51) bad u Rikunei Dhar (55). Katba ïa ka kol jong ka Khliehmyntang Ïalong la thep da u Sayn Bryan Pale ha ka minit kaba 60.
