Shillong, Nailar 06
Ka kynhun ïalehkai kickboxing ka Jylla hapoh ka lama jong ka Meghalaya State Kickboxing Associa-tion (MSKA) ka la wanphai ïing ryngkat 14 tylli ki takma ba ki la khur na ka lympung ïalehkai “WAKO India National Kickboxing Championship-2024 (Senior & Masters Men & Women)” kaba la long ha Multipurpose Indoor Stadium, Dayanand Bandod-kar Krida Sankool Peddem, Mapusa, Goa.
Kine ki kynthup ïa lai tylli takma ksiar, san tylli takma rupa lem bad hynriew tylli takma rnong. Ïa kane ka lympung kaba la sdang naduh ka 24 haduh 28 tarik u Naitung, la pynïaid da ka Amateur Sports Kickboxing Association of Goa hapoh ka jingkhmih da ka WAKO India Kickboxing Federation Kickboxing.
Ïa ki takma ksiar la khur da u Babit Kharsah-noh na Smit, Lemthaw (EKH) ha ka K1 -51kg, kumjuh u Juh Pa U Juh Nongtdu na Nartiang Main Road (WJHD) ha ka K1 -57 Kg lem bad u Fedrick Khongsit na Laitkor Nongpdeng (EKHD) ha ka LK -54 Kg.
Katba ïa ki takma rupa la khur da ka Belldona Pakynteiñ na Mawkyrwat (SWKHD) ha ka LK -51 Kg, Daniella Mylliemngap na Lumparing Lumdorbar (EKHD) ha ka K1 -56 Kg, u Ibansius Kshiar na Smit Umïew (EKHD) ha ka K1 -54 Kg, Adialmarphi Nong-dhar na Pohkseh West 3 (EKHD) ha ka FC -51 Kg bad u Wanlamkupar Thabah ha Golflink Khliehshnong (EKHD) ha ka PF -51 Kg.
Ïa ki takma rnong la khur da u Elbiston Kharkongor na Laitkor Nongmadan (EKHD) ha ka LC -45 Kg, Ibadahunshisha Rani na Manai (EWKHD) ha ka K1 -48 Kg, Lanosha Marbaniang na Lawbah Mawsynram (EKHD) ha ka FC -70 Kg, Rilangkupar Dkhar na Phudmuri Pdengshnong (EKHD) ha ka FC -91 Kg, Benedict Khongsit na Mawlai Motsyiar & Shillong College ha ka FC -50 Kg bad u Cornelius Maring na Nongpoh (Ri Bhoi) ha ka K1 -48 Kg.
ïa kane ka kynhun la ïalam da u Nathaniel P. Kurkalang bad u Mordekai S. Kharpuri kum ki coach, katba u Shaiborlang L. Mawphlang kum u National Referee.
Halor kane ka jingjop kaba don burom, na ka liang ka synjuk ïalehkai jong ka MSKA ka la pynkup burom ïa katei ka kynhun ka sngi Ba-ar ha Hotel Assembly kaba don ha Khyndai Lad bad kane ka jingpynkup burom ka long shi bynta ban ai mynsiem ïa baroh ki nongïa-lehkai ba kin nanglah ban ïalehkai kham bha ha kiwei pat ki lympung ïalehkai ki ban wan.
