Ka rukom im bad ka rukom ïaid rukom long na ki jaka sor ka ïapher bad ka rukom im rukom ïaid rukom ïeng ha ki nongkyndong. Ha ki jaka Sor tang shi kilo metre ki la ïaid da ki kali ba bun jaid, kim treh shuh ban ïaid da ka kjat. Katba ha nongkyndong da ki lai kynta saw kynta ki hap ïaid da ka kjat namar ym don kali. Haba ki leit sha bri sha bsah ki hap ïaid da ki kjat ban kiew ïa ki lum ki wah bad hiar ïa ki them da ki kynta ban leit rep leit riang. Kane ka long ka jingïapher na ngi ki briew ba im bad ba shong ba sah ha sor bad ha nongkyndong. Ki nongkyndong ki trei ki ktah da ka bor met, ki thiew ïa ki ñiut ki ñier, ki puh ki daiñ, katba ha ki jaka sor kiba bun ki leit trei leit ktah da ki kali bad u khulom bad ki Computer bad shu shong die jingdie hapoh ki dukan kim donkam iaid shitom kum ki nongkyndong. Ka rukom trei ha sor ka long kaba suk katba ki nongkyndong kaba da hiran hi khait ban trei ban ktah ne trei jingtrei. Kane keiñ ka jingïapher ha ki nongkyndong bad ki nongsor.
C. B. Iawphniaw
