Shillong, Nailar 06
Ka Madanryting SC ka la jam sha ka semi final ha ka lympung ïalehkai Under-20 Fourth Division 2024 ba la pynïaid da ka Shillong Sports Association, hadien ba ka la lah ban pynliem noh ïa ka Nongthymmai Raitnongkynrih SC da 2-1 kol ha ka Sngi Ba-ar.
Ha ka jingïakhun quarter final kaba la long ha SSA Stadium, ka Madanryting ka la ïakhun tyngeh naduh kaba sdang ha kaba ka ïoh ban pynkhih jar lyngba u Bankyrshan Ryndong ha ka minit kaba 11. Haduh kaba kut ka jingïalehkai jong ka kylla step kane ka kynhun ka dang tam da 1-0 kol ïa ka liang pyrshah.
Hadien katto katne por ba la bteng ïa ka jingïakhun jong ka kylla miet ka Madanryting ka la thep biang sa shi kol lyngba u Sparlington Thongni ha ka minit kaba 64. Hashwa ban kut artad ka jingïalehkai ka Nongthymmai Raitnongkynrih ka la lah ban pynphai kylla lyngba u Sengrak Jana ha ka minit kaba 70+1.
Kawei pat ka jingïakhun quarter final kan long long hapdeng ka Laitumkhrah SC pyrshah ïa ka Madan S&CC ha ka Sngi Balang ha ka por 3:45 janmiet.
