Jowai, Nailar 07
Ka Loompyrdi Ïongpiah bad ka Riatsaliya Mihmyntdu ki la ïoh jingjop ha ka lympung ïalehkai 4th Adelbert Laloo Memorial Trophy-3rd Division Football Tournament ba la pynïaid da ka West Jaiñtia District Sports Association (WJDSA) ha ka Sngi Balang.
Ha kane ka jingïakhun kaba la long ha Kiang Nangbah Stadium, Jowai, ka Loompyrdi Ïongpiah ka la pynliem noh ïa ka Royal Pole Mihmyntdu da 1-0 kol bad ïa kane la thep da u Rishanki Laloo ha ka minit kaba 39.
Ha ka jingïakhun kaba bud, ka Riatsaliya Mihmyntdu ka la pynliem ïa ka Nangbah Pohshnong da 4-0 kol. Ïa kine ki kol la thep da u Ishanroy Pde ha ka minit kaba 5, u Issac Chyrmang ha ka minit kaba 41 bad u Ïohi Chyrmang u la thep ar kol ha ka minit kaba 55 & 57.
