Shillong, Nailar 07
Ka Madan S&CC ka la long sa kawei pat ka kynhun kaba la lah ban pynthikna ban jam sha ka semi final ha ka Under-20 Fourth Division 2024 ba la pynïaid da ka Shil-long Sports Association.
Kane ka la wan urlong hadien ba pynliem ïa ka Laitumkhrah SC da 3-2 kol ha ka Sngi Balang ha SSA Stadium, Polo.
Tang mar ïasdang ka jingïalehkai jong ka quarter final kaba khatduh, ka Madan S&CC ka la ïoh ban pynkhih jar nyng-kong eh lyngba u Robindor Kyrsian ha ka minit kaba 4. Hadien ar minit ka Lait-umkhrah ka la lah ban pynïakhaid kylla lyngba u Sanki K. Lynser.
Ka Laitumkhrah ka la pynbud biang ïa ka kol kaba ar lyngba u Nangtei Kharbangar ha ka minit kaba 19. Hadien shiteng kynta ka Madan ka la pynïakhaid kylla lyngba u Iminstar Mawlong (37).
Hadien katto katne por ba la bteng ïa ka jingïakhun jong ka kylla miet ka Madan ka la ïoh ei shi kol na ka daw ka jingbakla thep hi da u rangïalehkai ka Laitum-khrah, u Jeffery Khar-bteng (70) na ka bynta ban khur syndon ïa ka jingjop.
Nalor ka Madan, kiwei pat ki kynhun kiba la rung sha ka semi final ki kynthup ïa ka Umryn-jah SC, Umïew Maw U Sam SC bad ka Madanrting.
Kumta ka Umrynjah kan iakynduh semi final pyrshah ïa ka Umïew Maw U Sam ha ka 12 tarik, katba ka Madan-rting ïa ka Madan ha ka 19 tarik bad ïa ka jingïakhun final la buh ban pynlong ha ka 24 tarik mynta u bnai.
