Jowai, Nailar 08
Ka lympung ïalehkai 4th Adelbert Laloo Memorial Trophy-3rd Division Football Tournament bad Under-17 Football Tournament Independence Day Cup 2024 ba la pynïaid da ka West Jaiñtia District Sports Association (WJDSA) ki la ïaid shaid shaid ha Kiang Nangbah Stadium, Jowai ha ka Sngi Palei.
Ha ka jingïalehkai 3rd Division, ka Chyrmang Wah bad ka Newhill ki la ïoh jingjop. Ka Chyrmang Wah ka la pynliem ïa ka Dongnein Sohmynting da 2-1 kol.
Ïa ki kol jong ka Chyrmang la thep da u Arkiru Bang ha ka minit kaba 32 bad u Apsar Khlem ha ka minit kaba 56, katba ïa ka kol jong ka Dongnein Sohmynting la thep da u Chemi Lyngdoh ha ka minit kaba 63.
Ha ka jingïakhun kaba bud, ka Newhill ka la pynliem ïa ka Mustem East da 6-0 kol. Ïa kine ki kol jong ka Newhill la thep da u Simion Suchiang (5), Redi Talang (own goal 22), Hamedamanbha Thma (37), Lamdame Sumer (42), Dapoimi Dkhar (55) bad Meno Suchen (70).
Ha ka jingïalehkai Under-17 Football Tour-nament Independence Day Cup, ka Panaliar ka la pynliem ïa ka Katholic Youth Mihmyntdu da 3-2 kol.
Ïa ki kol jong ka Panaliar la thep da u Ram Passah (25) bad u Damehi Phawa (44 & 60), katba ïa ki kol jong ka Katholick Youth Mihmyntdu la thep da u Honesty Chyrmang (53) bad u Teilang Phawa (60+1).
Ha ka jingïalehkai kaba bud, ka Pateinki Sabah bad ka Luti tuber Ïalong ki la ïakhaid mar 1-1 kol. Ïa ka kol jong ka Pateinki la thep da u Mar oo Shylla haka minit kaba 5 bad ïaka kol jong ka Luti Tuber la ïarap pynthep da u rangïaleh-kai ka Pateinki u Pynkmaimi Phawa ha ka minit kaba 50.
