Shillong, Nailar 08
Ka kynhun na USTM ka la ïakynduh ïa u Lat bathymmai ka Jylla, u C.H. Vijayashankar, ha Raj Bhawan ha Shillong ha ka 7 tarik u Nailar 2024.
Ka kynhun jong ka USTM ka kynthup ïa u Mahbubul Hoque kum Chancellor, u Prof. G.D Sharma kum Vice Chancellor, u Dr. R.K. Sharma kum nongaiktien bad u Dr. Mehjabeen Rahman kum Principal Secretary.
Ha kane ka jingïalang, ka kynhun ka la ai jingtip shaphang ka jingkiew jong ka skulbah, la ïakren ruh ïa ki projek ki ban sa wan, bad la pynpaw ruh ïa ka jingkhot sngewbha ïa u Lat ban pynïaid ïa ka jingïalang jong ka skulbah jong u snem 2024, bad ban long ruh kum u nongwan jngoh jong ka Skulbah.
Na ka liang u Lat u la pynpaw ïa ka jingkyrshan bad ka jingaiti ha ka jingroi jingpar jong ka skulbah ha shilynter ka jinglong jong u kum u Lat ka Jylla.
U Chancellor ka Skulbah, u Shri M. Hoque u la pynpaw ïa ki kam pynphriang jong ka USTM, da kaba kdew ba ka skulbah ka pyntreikam ïa ki prokram hapoh ka jingjngai kaba 30 km na ka jaka pule, ka la ai jinghikai ruh khlem jingsiew ïa ki nongshong shnong bad haduh 20% na ki samla pule jong ka USTM ki ïoh jingmyntoi na kane ka jingthmu.
La pynkut ïa ka jingïalang da ka jingai mynsiem jong u Lat ïa ka Skulbah USTM ba kan dang ïai bteng ïa ka jingbuddien jong ka jinglehbha.
