Shillong, Nailar 08
U Aman Sehrawat u la jam sha ka semi-final jong ki shynrang 57kg Freestyle ha ka Paris Olympics 2024 hadien ba ïoh jingjop ha ka Sngi Palei ha Paris.
Ha kane ka jingïakhun quarter final, u Aman u la lah ban pynliem noh ïa u nongïalehkai ka Albania u Abarakov Zelimkhan da 12-0 lyngba ka ‘technical superiority’ ha Champ-de-Mars Arena.
Une u nongïalympat ba dang 21 snem ka rta u lah ban ïakynduh jingeh bha namar un ïakhun pyrshah ïa u Rei Higuchi na Japan, uba la lah ban pynliem ïa u rangïalehkai ka Puerto Rico u Darian Toi Cruz ha kawei pat ka quarter final.
Mynta u Aman u dangdonkam ban khur jingjop sa tang shisien ban khur takma na ka bynta ka India ha kane ka jingïalehkai kaba dang ïaid shakhmat.
U Aman u la sdang ïa kane ka sngi ha ka rukom kaba itynnad hadien ba u la lah ban pynliem ïa u Vladimir Egorov ka North Macedonia da 10-0 namar ka jingtbit ka jong u. U Aman u la long tang marwei napdeng ki hynriew ngut ki nongïalympat jong ka ri ban ïashim bynta ha Paris.
