Nongpoh, Nailar 08
Ki pulit ka thanat Nongpoh ha ka Sngi Palei ki la ïoh ban kem noh ïa ar ngut ki nongkhaïi drok na Shangbangla ha Ri-Bhoi District.
Kine kiba la shah kem ki dei ba la tip kyrteng kum u Peter Lamare (31 snem) bad u Vikash Masih (29 snem), kiba dei na Them Metor (Punjabi Lane) Shillong. Ka jingïoh kem ïa kine ar ngut ka la long lyngba ka jingpynap shrip jong ki pulit hadien ba ki la ïoh ïa ka jingtip kaba bniah.
Katkum ka khubor la ong ba kitei ar ngut ki dei kiba la wan da ka ar shaka (scooty). Hadien ka jingtalasi bad jingtohkit ki pulit, la ïoh ban kurup ïa saw tylli ki jingsong sabon kiba la thep ïa u drok Heroin uba khia kumba 46.15 gram.
Halor kane ka bynta, na ka liang ki pulit mynta ki dang pynlong ïa ka jingtohkit ban lapksai shuh shuh ïa kiwei ki briew kiba donkti ha kum kine ki kam khaïi beaiñ ïa u drok bad ban pynngat ïa ki katkum ki kyndon aiñ, kum shi bynta ban ïakhun pynduh jait ïa une u jait jingdih uba la kynrei bad ktah ïa ka imlang ka sahlang.
