Mawkyrwat, Nailar 08
Ka Maram FC bad Jakrem SC ki la jam sah ka final ha ka lympung ïalehkai 3rd Independence Cup Women Football Tournament 2024 ba la pynïaid da ka Kyntiew La I Sap Multipurpose Organisation.
Ha ki jingïakhun semi final kiba la long ha ka Sngi Palei ha madan MDSA ArtificialTurf, ka Maram FC ka lah ban pynliem noh ïa ka Brother United Football Academy da 2-1 kol bad ka Jakrem SC ka la jop haduh 8-0 kol ïa ka Pynden Umsaw SC. Ka Frgancy Riwan jong ka Jakrem SC ka la thep haduh marwei haduh 5 kol.
Na ka liang ka Kyntiew La I Sap Multipurpose Organisation ka la pyntip ba ka jingïakhun final hapdeng ka Maram FC bad ka Jakrem SC kan long ha ka 15 tarik mynta u bnai ha MDSA Stadium Mawkyrwat ha ka por 1 baje nohphai sngi.
