Jowai, Nailar 09
Ka Pynthor Langtein ka la ïoh ei lai point kha-ma-kha khlem ïakhun hadien ba ka FAM kam shym la wan mih madan ha ka lympung ïalehkai 3rd Division Football Tournament 4th Adelbert Laloo Memorial Trophy ba la pynïaid da ka West Jaiñtia Hills District Sports Association (WJDSA).
Ha ka jingïalehkai kaba bud kaba la long ha Kiang Nangbah Stadium kaba ha Jowai, ka Luti Tuber Ïalong ka la pynliem noh ïa ka Mookynphad Mihmyntdu da 2-0 kol. ïa kine la thep da u Chalinstar Lyngdoh ha ka minit kaba 29 bad u Damon Pale ha ka minit kaba 59.
Katba ha ka jingïalehkai jong ka Under-17 Football Tournament-Independence Day Cup 2024, ka 7 Wasa ka la pynliem noh ïa ka Caroline 3-0 kol. Ïa kine la thep ar kol da u Riphi o Shylla ha ka minit kaba 16 & 38 bad u Samuel Sumer ha ka minit kaba 30+1.
Ha ka jingïalehkai kaba bud, ka Khimusning ka la pynliem ïa ka Khlieh-myntang Ïalong lyngba ka shi kol ba la thep da u Daekyrpangmitre Pyrngap (51).
