Mairang, Nailar 07
U District Magistrate ka Eastern West Khasi Hill District, u Bah G Kharwanlang, IAS, u la pyntreikam da ka kyndon 163 BNSS kaba khang bad mana pyrshah ïa ka jingïalum briew kaba palat ïa ka 5 ngut ha ka por mynmiet hadien ka 11 baje mynmiet. Ka kyrwoh khubor na u District Magistrate ka la ong ba la khang pyrshah ruh ban rah ïa ki tiar pynmynsaw ha ki jaka paidbah bad ban die ïa ka petrol ne umphniang sharak ha ki kynja klong kaba lah ban pyndonkam ban shna ïa ki tiar pynbthei ne petrol bom hapoh ka Eastern West Khasi Hills District.
U District Magistrate u la ong ruh ba kino-kino kiba ïaleh pyrshah yn pynshitom ïa ki katkum ki kyndon jong ka section 223 BNS Act 2023. U la pyntip ruh ba kane ka hukum kan treikam mardor tad haduh ynda pynbna da kumwei pat.
