Tehran, Nailar:
Katkum ki khubor, la ong ba ka Zara Esmaeili, ka samla nong Iran, ka la shah kem noh ha ki pulit ka Iran tang namar ba ka rwai ia ka jingrwai jong ka ‘Amy Whinehouse- Back to Black’ ha ka jaka paidbah khlem da phong ia ka tapmoh khlieh lane ka ‘Hijab’ kaba ki kynthei jong ka jaitbynriew Muslim ki ju kup ne da ia ka khlieh jong ki haba ki mih sha ki jaka paidbah.
Kumta, la ong ba ha katei ka jingjia, tang mar ia iohi ia katei ka dur-khih kaba saphriang paidbah ha ki ‘Social Media’, katei ka samla ka la shah bat noh ha ki bor ka aiñ jong ka Iran bad wat ki bahaiing jong ka ruh kim lah shuh ban tip shaei la rah ne kit ia ka namar ha ka por ba la kem ia ka, ki shu pyntip ba kin ialam ia ka ban tohkit.
Namar la ong ba ka Esmaeli ka ju leit rwai kylleng kylleng ha ki jaka paidbah ha katei nongbah kum ha ki jaka sangeh rel lane ki jaka shangkai pyngngad, bad kaba ju pynpaw ruh ia ka jingpyrshah halor ka jingshah synshar donbor jong ki kynthei bad ki samla hapoh katei ka ri naduh ka riam-ka beit, ka leit-ka wan bad ha ki kam ki jam bad ka pule- puthi baroh bad la ong ba ki kynthei kim ju ioh ban im laitluid ne im suk- im saiñ kumba long ki kynthei ha kiwei pat ki ri ki bym dei ki ri Muslim.
