New Delhi, Nailar:
U khun jong ka Myntri Rangbahduh ka ri Bangladesh- ka Sheikh Hasina, ha ka Sngi Palei u la pynbna ba katei ka nongialam kan sa wanphai biang sha Bangladesh na ka bynta ban iakhun ia ka ilekshon ka ban sa long ha kine ki por ban wan.
Namar la ong ba katei ka nongialam ka la phet noh na Bangladesh sha India ha ka Lah Sngi U Blei hadien ba la mih ki jingiakhih paidbah kaba neh da ki taiew, namar ki paidbah nongiakhih ha katei ka ri ki la dawa ia katei ka nongialam ba ka dei ban hiar shuki noh shi syndon.
Hadien ba ka la wan phet sha India, la thaw pat ia ka sorkar shipor ha Bangladesh kaba la lam khmat da u nongioh khusnam ‘Nobel Peace’- u Muhammad Yunus uba la bam smai ha ka Sngi Palei kum u Myntri Rangbahduh ba shipor ban pyndep ia ka samoi treikam ba sah jong ka Hasina.
Kumta na ka liang u khun jong katei ka nongialam ha katei ka sngi u la pyntip lypa ba ka kmie jong u kan sa wan phai biang na ka bynta ka ilekshon.
