Shillong, Nailar 11
Kum shi bynta jong ka jingrakhe ‘Har ghar tiranga’ bad jingpynkhreh ïa ka jingrakhe Independence Day, ka BJYM ha ryngkat bad ka Mahila Morcha ki la pynlong da ka jingïamareh marathon ha ka 10 tarik mynta u bnai.
Ha ka jingïamareh marathon la wan ïashim bynta da ki nongmareh ha ki rta bapher bapher. Ki nongpynïaid ïa kane ka marathon, ki la pynpaw ka jingsngewnguh ïa u Bah David Kharsati, ïa ka President ka State Mahila Kong Suk Pariat, Shillong City President Bah Bob, BJYM General Secretary Joydeep Ghosh, BJYM Secretary Bah Meeth Tariang bad ïa baroh kiba la ïadon bynta ban pynlong ïa kane ka jingmareh kaba jop.
