Jowai, Nailar 11
Ka West Jaiñtia District Table Tennis Association (WJDTTA) kan sa pynlong ïa ka lympung ïalehkai ‘Table Tennis Championship Tournament 2024’ ha ka 28 tarik u Nailur ha U Kiang Nangbah Indoor Stadium kaba don ha Ladthalaboh Dongmihsngi, Jowai.
Kane ka lympung ïalehkai ka long kum shi bynta ban pynkhreh na ka bynta ka 6th Meghalaya Games ka ban long ha Jowai-Wahïajer ha u Kyllalyngkot jong u snem ban wan. Ki bor pynïaid ki pyntip ba kan don ruh ka prokram ai jinghikai ka ban sdang naduh ka 6 tarik mynta u bnai Nailur 2024 bad kino kino kiba kwah ban wan sha kane ka prokram ki lah ban phone ha u number 6009175449.
