Bangkok, Nailar:
Katkum ki khubor, la iathuh ba ka jingleit hiar thma jong ki drone sha ka bynta ba shong ki Rohingya kiba phetwir na Myanmar, ka la shim ia ka jingim jong ki phew ngut ki briew ha katei ka sngi, kynthup ïa ki longïing kiba dang don khun rit.
Saw ngut ki nongsakhi ha katei ka jingjia, ki nongïakhih bad uwei u nongïalam ki la iathuh shaphang katei ka jingleit thombor ki drone ha ka Lah Sngi U Blei kaba la shim ia ka jingim jong kitei ki phetwir katba ki dang thmu ban jam sha shiliang khappud jong ka ri Bangladesh ba marjan.
Napdeng kitei kiba iap, la don ruh kawei ka kynthei kaba dang punkhun kaba la duh ei noh ia ka jingim ha katei ka sngi ha ryngkat bad ka khun kynthei kaba dang 2 snem ka rta.
