Jowai, Nailar 11
Ka Khimusniang Sports Club, 7 Wasa Football Club, ka Mynthong Sports Club bad ka Pateinki Sabah Sports Club ki la buh jaka ïalade sha ka jingïakhun semi-final jong ka lympung ïalehkai Under-17 Foot-ball Tournament-Independence Day Cup 2024 ba la pynïaid da ka West Jaiñtia District Sports Association (WJDSA).
Ka jingïoh rung semi-final ka la wan hadien ba ki la jop ha ka jingïakhun quarter-final kaba la long ha madan Kiang Nangbah Stadium, Jowai ha ka Sngi Saitjaiñ.
Haba phai sha ka jingïakhun quarter-final ba nyngkong, ka Pateinki Sabah ka la pynliem ïa ka Dulong da 3-2 kol kaba la wan lyngba ka jingshut tie-breaker hadien ba ka jingïakhun hapdeng ki arliang ka la kut noh ha ka jingïakhaid da mar 1-1 kol.
Ïa ka kol jong ka Dulong la thep da u Nambor Lamat ha ka minit ba 52 katba ïa ka kol jong ka Pateinki Sabah pat la thep da u Pynkmaimi Phawa ha ka minit kaba 54.
Ha ka jingïalehkai kaba bud, ka Khimusniang kala pynliem noh ïa ka Luti Tuber Ialong da 2-0 kol. Ïa ki kol jong ka Khimusniang la ïoh ban thep da u Soyn Ryngkhlem ha ka minit kaba 11 bad u Vishal Nongpluh ha ka minit kaba 13.
Ha kawei pat ka jingïakhun quarter-final, ka 7 Wasa kala pynliem noh ïa ka Mookyndur Sports Club da 2-0 kol bad ïa kine ki kol jong ka 7 Wasa la thep da u Teibor Malang ha ka minit kaba 7 bad u Riphi oo Shylla ha ka minit kaba 34.
Ha ka jingïakhun kaba khatduh jong kane ka lympung ïalehkai, ka Mynthong kala pynliem noh ïa ka Da i hi Mynsngat da 2-0 kol bad ïa kine ki kol jong ka Mynthong la thep da u Laman Mannar ha ka minit kaba 31 bad u Banrap Pohleng ha ka minit kaba 48.
