Shillong, Nailar:
Ka Toyota Kirloskar Motor (TKM) ka la pynbna ba la plie biang na ka bynta ban book ïa ka kali Innova Hycross ZX & ZX (O) model, kaba la sdang naduh ka 1 tarik u Nailar 2024. Naduh ba la pyllait ïa ka kata ha (U Naiwieng 2022), ka kali Innova Hycross ka la ïoh ïa shibun ki jingïaroh na ki nongthied, kiba la pynpaw ba kane ka kali ka biang ha ka rukom treikam bad ka jingitynnad jong ka kum ka SUV bad kaba kylluid pat kum ka kali MPV. Kane ka kali Innova Hycross ka long ka kali kaba biang bha ban pyndonkam lah ban ïoh ïa ka ha ki ar jait kata ka Strong Hybrid Electric Variant [SHEV] kaba shu Charge hi bad kumjuh ruh kaba ïaid da ka Gasoline, bad kane ka kali ka ïoh ruh ïa ka jingïaroh namar ka jingitynnad, ka jingbiang ki kor ki bor teknoloji, ka jingaram, ka jingshngaiñ bad ka jingsngewtynnad ban ñiah.
Haba kren shaphang kane ka jingpynbna paidbah, u Sabari Manohar – Vice President, Sales-Service-Used Car Business – Toyota Kirloskar Motor, u ong, “Ngi sngew kmen ban pynbna ba la plie biang ïa ka booking jong ki Top-end Gade jong ka kali Innova Hycross, ZX bad ZX (O), naduh u 1 tarik bnai Nailar 2024. Kane ka pyni ïa ka jingtrei ba radbah jong ngi ban ngin ban pynïoh ïa ki kali ba bun jait khnang ba ki nongthied ki lah ban jied katkum ka jingsngewmon ka jong ki. Ka Innova Hycross model kadei ka kali kaba bun bha ki kwah ban thied, kaba ïoh ïa ka jingïaroh namar ka aram bad ka jingsuk jong ka. Namar ki teknoloji kiba don ha ka kiba long katkum ka juk stad mynta, ka don ruh ia ka Strong Hybrid Electric System, bad ka Engine kaba skhem, ka kali Innova Hycross ka la buh mynta ïa ka thong kaba thymmai ha ka ïew ka hat. Ngi da sngewtynnad eh ïa ka jingpdiang ïa kane ka kali bad ka jingshaniah kaba skhem ba la ai da ki nongthied ïa kane ka kali.
Ngi sngewnguh ïa ka jingïaishah jong ki nongthied baïeid jong ngi ïa ka jingpynsangeh ba shipor bad ngi sngewsih ruh lada don kino kino ki jingthut. Ngi sngew shlur mynta ba da ka jingplie biang ïa ka booking jong ka Hycross top-end Grade kan nang kham pynbha shuh shuh ïa ka jingñiah kali jong ki nongthied jong ngi bad pynbiang ïa ka jingdonkam jong ki ha kaba ïadei bad ka kali.”
Katkum ka Toyota New Global Architecture (TNGA), ka kali Innova Hycross kadei ka kali kali jong ka Toyota kaba la ithuh baroh satlak ka pyrthei ïa ka jingbha, ka jingneh bad ka jinglah ban shaniah ha ka bad ka pyni ïa ka nam bha jong ka Brand. Kane ka kali ka don ïa ka 5th Generation Self-Charging Strong Hybrid Electric System, ka don ruh ïa ka TNGA 2.0-litre 4-Cylinder Gasoline Engine bad ka Monocoque Frame kaba don lang ia ka e-drive Sequential Shift, ka bor jong ka ka long 137 kW (186 PS). Kane ka ïarap ïa ka kali ban sted bad kadei ka kali kaba bam duna ka umphniang kumta ka kali Innova HyCross kadei ka biang ban jied na ka bynta ka jingbha bad jingjyrngam biang ka mariang ha ki sngi bad ki snem ban wan.
