Shillong, Nailar 12
Ka kynhun ïalehkai karate hapoh ka lama jong ka All Meghalaya Karate-Do Association (AMKA) ka la wanphai ïing ryngkat 32 tylli ki takma na ka All India Independence Karate Championship 2024 kaba la long ha Talkotara Indoor Stadium kaba ha ka nongbah Delhi.
Kine ki kynthup ïa 9 tylli ki takma ksiar, 12 ki takma rupa lem bad 11 tylli ki takma rnong.
Ïa kane ka lympung la sdang naduh 1-4 tarik mynta u bnai, ha kaba la ïalam da u Bah Donboklang Lyngdoh kum u coach, ryngkat u Arjun Sewa lem bad u Bah Gem Kharpuri.
Ïa ki takma ksiar la khur da u Fadrik Wanñiang (Below 35kgs Boys), Phibanylla E Thongni (Sub-Juniors Below 42kgs Girls), Ersanaki Kharjana (Sub-Juniors Kata) bad ka takma rnong ha ka Below 47kgs Girls, Sa-I Banmanmirbha Blah (Cadet Below 54kgs Girls), Ferdinand S Rani (Juniors Below 50kgs Boys), Gideon Tympuiñ (Juniors Individual Kata Boys), ïalamphang Kharkongor (Seniors Below 75kgs Men) bad ka Durka Padit (Seniors Below 68kgs).
Ïa ki takma rupa la khur da u Eric Banteinam Ryngnga (Sub-Juniors Individual Kata Boys), Samuel Kurbah ) Sub-Juniors Individual Kata Boys), Dominica P. Kharbani (Sub-Juniors Below 47kgs Girls), Badondor S. Ryntathiang (Cadet Below 45kgs Boys), Meba-pynhun Marngar (Cadet Below 47kgs Girls), Gregorwilson Makdoh (Juniors Individual Kata Boys), Aventinus G Mylliem (Juniors Individual Kata Boys), Daphishisha Shadap (Juniors Below 48kgs Girls), Inlumlang Skhemiew (Juniors Below 53kgs Girls), Daphilahun Mary Wahlang (Juniors Below 59kgs Girls) bad ka Larisha Kurbah (Seniors Below 55kgs).
Haba phai sha ki takma rnong la khur da u Nathaniel Levin Suting (Sub-Juniors Kata) lem bad ka takma ksiar ha ka Below 35kgs Boys, Aibanjop Lating (Sub-Juniors Below 50 Kgs Boys), Xenia Rose Nongsiej (Below 42kgs Girls) lem bad ka takma rupa ha ka Sub-Juniors Kata, Athopam Etah S. Khawbung (Cadet Below 57kgs Boys), Nowmi Mayer Ryngkhlem (Cadet Below 63kgs Boys), Delightful Marngar (Juniors Below 48kgs Girls), Davyson Kharkongor (Seniors Below 55kgs Men), Nangkitbok Phira (Seniors Below 55kgs Men), Shandarson Nongrem (Seniors Below 60kgs Men) bad u Paul Danny Kharmudai (Seniors Individual Kata).
