Shillong, Nailar 12
Ka Sorkar Jylla ka la buh lypa kumba T.4 klur kum ka ‘corpus fund’ ban kyrshan ïa ki nongrep kiba mad jingeh namar ka jinghiar dor u synsar.
Ka Myntri kaba peit ïa ka kam rep ka Kong Ampareen Lyngdoh ka la ong ba ha kine ki khyndiat bnai ka Sorkar ka la buh ïa ka jingmang pisa bad la kyntu ïa ki nongrep ban buh lypa ïa u synsar ha warehouse bad ym pat dei ban die katba ka dor ka dang hiar.
Ka Kong Ampareen ka la ong ba ka Sorkar kan ai ka jingkyrshan bad ki nongrep ki hap ban thep kyrteng ban ïoh ïa kane ka jingkyrshan.
Ka Sorkar Jylla ka la thaw lad ruh kumno ban ïoh ïa ka dor u synsar kaba kham biang da kaba buh ïa ki jaka saiñ ne ‘processing centre’ ha Amlarem, Pynursla bad Mawsynram kiba dei ki jaka ba ki briew ki rep bun bha ïa u synsar.
