Jowai, Nailar 12
Ka 7 Wasa bad Khimusniang ki la long kiba la pynkhreh ban ïaknieh ïa ka nam lahduh ha ka lympung ïalehkai Under-17 Football Tournament-Independence Day Cup 2024 ba la pynïaid da ka West Jaiñtia District Sports Association (WJDSA) hadien ba ki la ïoh jingjop ha ki jingïakhun semi final kaba la long ha ka Lah Sngi U Blei ha U Kiang Nangbah Stadium, Jowai.
Ha ka jingïakhun semi final kaba nyngkong, ka 7 Wasa ka la pynliem noh ïa ka Pateinki Sabah da 3-2 kol.Ïa ki kol jong ka 7 Wasa la thep da u Kamjuh Phawa ha ka minit kaba 10, u Kam o hi Biam ha ka minit kaba 23 bad u Riphi ko Shylla ha ka minit kaba 31, katba na ka Pateinki Sabah la thep da u Mar oo Shylla ha ka minit kaba 53 bad u Marbudki Dkhar ha ka minit ba 57.
Haba phai sha ka jingïalehkai kaba bud, ka Khimusning ka la pynliem ïa ka Mynthong da lyngba ka tie-breaker da 4-3 kol hadien ba ki la ïakhaid mar 1-1 kol haduh kaba kut ka jingïalehkai. Ïa ka kol jong ka Mynthong la thep da u Lastborn Dkhar ha ka minit kaba 46 bad ïa ka kol jong ka Khimusning la thep da u Meroily Lytan ha ka minit kaba 58.
Haba phai sha ka jingïalehkai 3rd Division Football Tournament-4th Adelbert Laloo Memorial Trophy, ka Dongnein Mookaswan ka la pynliem ïa ka Ardamihki Demthring lyngba ka shi kol ba la thep da u Dongnein Mookaswan la thep da u Lastbon Phawa ha ka minit kaba 16.
