Nongstoiñ, Nailar:
Ka District Legal Services Authority (DLSA) West Khasi Hills District ha ka 12 tarik mynta u bnai ka la ïoh ban pynlong ïa ki ar tylli ki prokram pynsngewthuh paidbah shaphang ka aiñ.
Ïa kine ar tylli ki prokram la ïoh ban pynlong ha Daboklang Memorial Secondary School jong ka shnong Porla, Mawshynrut C&RD Block bad ha shnong Umthlong, Mairang C&RD Block, Eastern West Khasi Hills District.
Ka thong ne ka jingthmu jong kine ar tylli ki prokram ka long ban ai jinghikai sha ki paidbah halor ka NALSA (Victims of Trafficking and commercial sexual exploitation) Scheme 2015, Free Legal Aid Services, NALSA 15100 Helpline bad Juvenille Justice (Care and protection of Children) Act 2015, POCSO Act 2012 & Witchcraft & Mob Lynching/ Evil Social Practices bad ka NDPS Act 1985.
Ki nongsaid aiñ kiba shemphang ne ki LAC kiba kynthup ïa u Bah DD Diengdoh, Kong EG Kharbani, Kong GL Mawphlang bad u Bah S Kharjana uba la wan mihkhmat na ka tnat Pulit, ki la lah ban pynshai bad pynsngewthuh paidbah halor ki aiñ bapher bapher kiba ki paidbah ki dei ban tip bad ha kajuh ka por ba kin ym pynkheiñ aiñ ïoh kin ngat ei ha patok.
Shuh shuh ha kane ka sngi ka la don ruh ka jingphylliew jingmut bad kiba wan sha kine ki prokram ba kin pynsngew ïa ki jingshem jong ki.
Lyngba kane ka prokram jong ka DLSA, West Khasi Hills District, ka la pynïoh shibun ki jingtip bad ki jingshai kiba ïadei bad ka aiñ bad ka hok jong ki paidbah.
