Shillong, Nailar 13
Ka rai jong ka Court of Arbitration for Sport (CAS) halor ka jingkyrpad ka khlur nongïalympat ka ri India, ka Vinesh Phogat ka la pynslem biang sa shisien pat.
Ka tarik ba thymmai ba la buh da ka CAS na ka bynta kane ka rai kan long ha ka por 9:30 mynmiet ha ka 16 tarik mynta u bnai. Kane ka nongïa-lehkai ka la shah pynduh noh na ka jingïakhun final na ka bynta ban ïaknieh ïa ka takma ksiar ha ka jingkhia kaba 50kg ha ka Paris Olympics 2024 namar ba ka la pat ïa ka jingkhia da 100 gram. Lada ka rai ka wan ha ka liang jong ka, ka Vinesh ka lah ban khur lang ïa ka takma rupa.
