Shillong, Nailar 14
Ka nongbah Shillong kan ïoh ban pynlong sa ïa ka lympung ïalehkai ASMITA Judo League East Zone ka ban sdang naduh ka 16 tarik haduh ka 19 tarik mynta u bnai ha Indoor Stadium jong ka SAI Training Cenntre, NEHU.
Ha kane ka lympung yn wan shim bynta kumba 70 ngut ki nongïalehkai Judo ha ki saw tylli ki kyrdan, ka Senior, Junior, Cadet bad Sub-Junior. Da ka jingphiah ïa ka jingkhia kaba pyndap ïa ki nongïalehkai jong baroh ki jingheh.
Kane ka lympung ka pynpaw nam ïa ka khusnam kaba kongsan kaba T. 4.26 lak bad ka jinglut jingsep kaba T.11.70 lak, kaba pynpaw ïa ka jingkular ban pynroi ïa ka judo ha ka thaiñ. Kane ka jingïalang ka thmu ban ithuh bad pynroi ïa ki sap ki samla katba ka ai ka lad ïa ki nongïalehkai judo kiba la tbit ban pyni ïa la ka jong ka sap.
Ka Shillong kaba la pawnam na ka bynta ka jingitynnad jong ka mariang bad ka kolshor kaba riewspah, ka la ai ka jaka kaba biang bha na ka bynta kane ka jingpyni ïalehkai. Katba ki nongïalehkai na kylleng ka thaiñ ki dang ïawan lang ha ka nongbah, kane ka jingïalehkai ka kular ban long ka jingpyni kaba sngewtynnad ïa ka jingtbit, ka jingkut jingmut bad ka jingtbit ban ïalehkai.
