Jowai, Nailar 18
Ka Pammanik Sports Club ka la khyrwit 7 kol pyrshah ïa ka Mustem East Sports Club ha ka jingïalehkai 3rd Division Football Tournament-4th Adelbert Laloo Memorial Trophy ba la pynïaid da ka West Jaiñtia District Sports Association (WJDSA).
Haba phai sha ka jingïalehkai kaba la long ha ka Sngi Saitjaiñ ha madan Kiang Nangbah Stadium, Jowai, ka Pammanik ka la jop da 7-0 kol ïa ka Mustem East.
Ïa kine ki kol jong ka Pammanik la thep da u Shanbait Pakma ha ka minit kaba 10 bad 12, Jamris Talang ha ka minit ba 21 bad 64, Bestmiki Talang ha ka minit ba 40 bad u Shanbor Talang ha ka minit ba 62 bad 68.
Ha ka jingïalehkai kaba bud, ka Mookaswan Dongwah Sports Club kala jop ïa ka Phramer Sports Club da 3-1 kol. Ïa ki kol jong ka Mookaswan Dongwah la thep da u Emi ïanga Phawa ha ka minit ba 43 bad 54, u Kermi Shylla ha ka minit kaba 57, katba ïa ka shi kol jong ka Phramer la thep da u Phomi Tang ha ka minit kaba 36.
Ha ka jingïalehkai kaba khatduh jong kane ka sngi ka Iooksi Youth Welfare kala jop ïa ka Madanthad Muthlong da 2-0 kol bad ïa kine ki kol jong ka Iooksi Youth Welfare la thep da u Banpynroi Tang ha ka minit ba 42 bad u Sammaia Sumer ha ka minit kaba 70+1.
