Shillong, Nailar 19
Ka Shillong Sports Association (SSA) ka la rai ban sdang noh sa ïa ka lympung ïalehkai Second Division Football League Tournament 2024 naduh ka 2 tarik u Nailur mynta u snem ha SSA Stadium kaba ha First Ground, Polo.
Ki kynhun kiba don ha kane ka kyrdan ki don 12 tylli ha kaba la phiah ïa ki ha ki ar tylli ki group. Ha ka Group-A ki long ka Meghalaya Police FT, Sohïong SC, Umphrup SC, Smit SC, Laitkyrhong SC bad ka Imson FC, katba ha ka Group-B ki long ka Pay For Right Football Academy, Mylliemm SC, Nongkrem SC, Marbisu SC, Laitlyngkot SC bad ka Lumshyiap SC.
Kat kum ka prokram la ong ba ki kynhun ki ban ïakhun ha katei ka sngi sdang kata ha ka 2 tarik u Nailur kan long hapdeng ka Meghalaya Police pyrshah ïa ka Sohïong ha ka por 1 baje mynsngi, katba ka Umphrup ïa ka Smit SC ha ka 3:45 janmiet.
