Shillong, Nailar 19
Ka kynhun ki rangïalehkai Under-15 jong ka Nongjri Presbyterian Secondary School ka la khur ïa ka jingjop kaba nyngkong ha ka Sub-Junior jong ka 63rd Subroto Cup International Football Tournament 2024, hadien ba ka la lah ban pynliem noh ïa ka kynhun ïalehkai kaba na Sri Lanka da shiteng dorjon (6-0 kol) ha ka lah sngi U Blei.
U Chanjib Chetry u la khur ïa ka hat-trick na ka bynta ban pynlong ïa kane ka kynhun ban khur ïa ki lai point.
Kane ka kynhun laba na Ri Bhoi District, kaba la mihkhmat ia ka Jylla ka la don ha ka Group-B, ka la kynthup lang ruh ia ka International School Sports Organis-ation (ISSO), Dadar and Nagar Haveli and Daman and Diu (DD&DHH) bad ka Madhya Pradesh
Ha kane ka jingïakhun kaba la long ha Bangalore, ka Nongjri Pres. ka la ïakhun tyngeh naduh kaba sdang ha kaba u Chanjib Chetry u la lah ban thep lai kol na ka bynta ban khur ïa ka hat-trick, katba ïa kiwei pat la thep da u Marc R.Marak, Prusperwell Ryntong bad u Banteilang Malieh.
Te kumta kane ka kynhun ïalehkai kan pynkhreh ïa ka jingïakhun kaba ar pyrshah ïa ka ha ka sngi Ba-ar pyrshah ïa ka Madhya Pradesh ha ka por 10:30 mynstep.
