Shillong, Nailar 19
Shi bynta ban kyntiew ïa ka jingïalehkai phutbol naduh ba ki dang ha ka rta ba ki dangrit, ka Rangdajied United FC ka la shim biang ïa ka sien jam ban sdang ïa ka lympung ïalehkai phutbol ba la tip kum ka Under-14 8-A-Side Inter-School Football Tournament kaba dei na ka bynta ki khynnah shynrang bad kynthei ha ka lah sngi U Blei ha RUFC Performance Center kaba ha Pynthorbah.
Ka jingthmu jong kane ka lympung ka long ban sei madan ïa ki sap ba nylla jong ki khynnah kaba ki don shisha ïa ki sap khnang ban kin lah ban bteng ïa la ka jingim ïalehkai ka jong ki hangne hapoh ka jylla.
Ki kynhun kiba la wan shim bynta ha ka liang ki shynrang ki don phra tylli kiba kynthup ïa ka St. Anthony’s HSS, St. Edmunds School, O.M Roy Memorial School, H.Elias Memorial H.S, LEADS, All Saints, Sacred Heart Boys H.S.S bad ka Ïewrynhep Secondary School. Katba ha ka liang ki kynthei ki don san tylli kiba kynthup ïa ka St Mary’s, Pine Mount School, Dinet Manik Syiem Memorial School, Ïewrynhep Secondary school bad ka LEADS
Ha kane ka sngi kaba nyngkong, ka All Saint ka la jop ïa ka Leads da 3-0 kol, kumjuh ka St. Anthony’s ka la shah rem da 1-2 kol ha ka H. Elias, ka Ïewrynghep ka la jop da 3-0 kol ïa ka Sacred Heart bad ka St Edmunds ka la jop ïa ka OM Roy da 3-1 kol.
Ha ka liang ki kynthei, ka Dinet Maik ka la pynliem noh ïa ka Ïewrynghep da 3-0 kol bad ka Pinemount ka la shah rem ha ka St. Mary’s haduh 8-0 kol.
