Jowai, Nailar 20
Ka lympung ïalehkai 2nd Division Football Tournament-7th U Demo Shullai Memorial Trophy ba la pynïaid da ka West Jaiñtia District Sports Association (WJDSA) kan sdang ha ka 21 tarik mynta u bnai ha madan Kiang Nangbah Stadium, Jowai.
Ha kane ka lympung ki don 20 tylli ki kynhun ki ban ïashim bynta ha kaba la phiah ha ki 4 tylli ki Pool kynthup ka Pool A, B, C bad D.
Ki kynhun kiba hap ha ka Pool A, ki long ka Madankynsaw Mawkyndeng, Nangbah Dukhu, Moopliang, Caroline bad Dongmihsngi. Ha ka Pool B, ki long ka Mukhla Umlangshor, NSA, Shilliang Raij, Maitshaphrang Mootyrshiah bad Khliehmynkrem.
Ha ka Pool C, ki long ka Shangpung Moosyiem, Panaliar, Lumpariat, Lion Sports & Youth Affair bad Khliehmyntang Ïalong. Ha ka Pool D, ki long ka Lutituber Ïalong, Rising Sun Mukhla, Ïawmulong Nartiang, Shangpung Khliehmuchut bad Lumbhah-dakha Wahïajer.
Ha katei ka sngi sdang ka jingïakhun kan long hapdeng ka Madankynsaw Mawkyndeng pyrshah ïa ka Nangbah Dukhu ha ka por 12 baje mynsngi. Ka Moopliang pyrshah ïa ka Caroline ha ka por 2 baje nohphai sngi.
