Aizawl, Nailar:
Kum shi bynta ban leh ei ei na ka jingjur palat jong u slap kaba la lynshop ïa ka Aizawl distrik jong ka Mizoram ha kine ki khyndiat kynta ba la leit, kaba la wanrah ïa ka jingshlei um kaba jur, ka jingtwa khyndew, ka jingtuid jong ka umktieh bad ka jingtyllun jong ki maw, ki bor ba dei khmih jong ka thaiñ ki la shim ïa ka sienjam na ka bynta ki jingpyntreikam kyrkieh bad ban phah khang ruh shipor ïa ki skul bad ki jaka pule ha ka thaiñ.
Kane ka rai, ka la long shi bynta ban ai ka jingshngaiñ na ka bynta ki khynnah skul khamtam kum ha kane ki por bajur ka jinghap slap, hadien ba la dep ban ïamir jingmut halor ki jingtip ba bniah ba la phah da ka Indian Meteorological Department bad kiwei pat ki tyllong khubor.
Ka Competent Authority ka la pynbna bad ai ïa ka rai ha ka 22 tarik, Nailar kum ka sngi shuti ïa baroh ki skul kiba don hapoh ka Elaka Aizawl.
Ïa kane ka lad ai jingïada la leh katkum ka jingtreikam jong ka Section 30(v) ryngkat bad ka Section 2(d) jong ka Disaster Management Act, 2005, kumba la kdew ha ka Circular No.F.20016/12/2024-DMR kaba la buh ha ka 30 tarik, Naitung, 2024.
Ki bor ba dei khmih ki la pynmih ïa ka jingmaham kaba tyngeh sha kiba ïaidlait na ka jingbthah ba la buh hukum bad lada lap yn pynshitom katkum ka kyndon 51(b) jong ka Disaster Management Act, 2005.
