Shillong, Nailar 23
Ha kawei ka khubor ba la ïohlum na ki pulit ha ka Sngi Thohdieng, la ong ba uwei u nongshong shnong ka nongbah Shillong u la ujor ba ha ka 11 tarik Naitung, 2024, u la bei T. 7 lak ha ki ‘Stock’ lyngba kawei ka ‘Mobile App’ ba la tip kyrteng kum ka ‘bulk kotakAI pro’.
Ha ka jingujor sha ki pulit, utei u nongshong shnong u la ong ba ïa katei ka ‘Mobile App’, u la ïoh lyngba ka kynhun ha WhatsApp ba la tip kum ka ‘Kotak Club-416’. Hynrei ynda la katto katne por, utei u nongshong shnong u la ïoh jingtip na ka kompani ba ka Kotak Securities kam ju aibor ïano-ïano ba kin treikam lyngba ki rynsan ‘Social Media’.
Dei hadien ba u la ïoh ïa kane ka jingtip ba utei u nongshong shnong u sa sngewthuh ba u la shah shukor.
