New York, Nailar:
Ki heh ka US ha ka Sngi Balang, ki la ioh ban iakynduh markhmat bad u nongialam ka Tibet- u Dalai Lama hapoh ka nongbah New York, ha kaba ka US ka la pyntikna ruh ba kan ai jingkyrshan bad kan pyntikna ban pyntreikam hok ia ki aiñ jong ki nong Tibet.
Katei ka jingiakynduh jong ki heh ka US bad utei u nongialam uba la 89 snem ka rta na Tibet, la ong ba ka la pynthud pat ia ka jingiadei bad ka China, kaba la ñiew ia utei u nongialam ka jaitbynriew Budhist- kum u nongpyrshah jongka bad ba ka China ka la maham ia ki heh jong kiwei ruh ki ri ba kim dei ban iajan ne ban iadei kam eiei bad utei u nongialam na Tibet.
