Jowai, Nailar 23
Ka Riatsaliya bad ka Newhill ki la rung sha ka quarter final ha ka lympung ïalehkai 3rd Division Football Tournament-4th Adelbert Laloo Memorial Trophy ba la pynïaid da ka West Jaiñtia District Sports Association (WJDSA) hadien ba ki la khur jingjop ha ka pre-quarter final kaba la long ha ka sngi Thohdieng ha Kiang Nangbah Stadium, Jowai.
Ha ka jingïakhun kaba nyngkong, ka Riatsaliya ka la lah ban pynliem noh ïa ka Loompyrdi Ïongpiah da 10-2 kol. Ar ngut ki rangïalehkai kane ka kynhun ki la khur ïa ki hat-trick, ha kaba u Ïohhi Chyrmang ula thep saw kol ha ka minit kaba 12, 71, 76 & 38, katba u Neviki Phawa u la thep lai kol ha ka minit ba 66, 73 & 78. Kiwei pat ki rangïalehkai kiba la ïoh ban thep kol ki long u Nedy Chyrmang ha ka minit kaba 25 & 44 bad u Ohi Dkhar ha ka minit kaba 40+1. Katba ïa ki artylli ki kol jong ka Loompyrdi Ïongpiah la thep da u Iakhroo Laloo ha ka minit kaba 33 bad u Leni Bareh ha ka minit kaba 50.
Ha ka jingïalehkai kaba bud, ka Newhills ka la jop da 3-0 kol ïaka Phramer. Ïa kine la thep da u Simeone Suchiang ha ka minit kaba 54, Hamedamanbha Thma ha ka minit kaba 76 bad u Dawanlang Laloo ha ka minit kaba 80+3.
Ka jingïakhun quarter final ha ka sngi Saitjaiñ kan long hapdeng ka Ïooksi Youth Welfare pyrshah ïa ka Lumpyrtuh Mihmyntdu ha ka por 12:30 mynsngi, katba ka Luti Tuber Ïalong ïa ka SCSC Nonglatem ha ka por 2:30 baje nohphai sngi.
