Shillong, Nailar 23
Ka Nongjri Presbyterian Secondary School ka la lah ban pynthikna na ka bynta ban jam sha ka quarter final ha ka lympung ïalehkai 63rd Subroto Cup International Football Tourna -ment 2024, hadien ba ka lah ban pynliem noh ïa ka Dadra and Nagar Haveli and Daman and Diu (DD&DNH) haduh 8-0 kol ha ka sngi Thoh dieng ha ASC Centre Bangalore.
U Chanjib Chetry u la khur biang sa shisien ïa ka hat-trick ha kane ka jingïakhun, katba ia kiwei pat la pynbud da u Namebanlam Nongkseh, Samuel Malieh, Marc R. Mark, Ïainehskhem Warjri bad u Ïaisynroplang Syiemlieh.
Kumba ka paw kane ka kynhun ïalehkai kaba na Ri Bhoi District kaba la mihkhmat ïa ka Jylla, ka la lah ban pynpaw ïa ka mynsiem ïakhun naduh kaba sdang ha kaba kam shym la ailad ïa ki nongïalehkai jong ka liang pyrshah ban pynphai wat tang shi kol ruh.
Lyngba kane ka nam jop ka Nongjri kan pynkhreh ïa ka jingïakhun quarter final pyrshah ïa ka Army Boys Coy ha ka sngi U Blei ha ka por 7 baje mynstep ha ASC Centre.
Kumba ka paw ka Nongjri Presbyterian ka lah ban pynliem ïa ka kynhun ïalehkai kaba na Sri Lanka da shiteng dorjon (6-0 kol) bad hadien ka la jop da ka walk over ïa ka kynhun ïalehkai kaba na Madhya Pradesh, ka la shah weng noh na ka daw ba ka la pynmih da ki khynnah ïalehkai kiba palat ïa ka rta ba la buh bad ka la jop 7-0 kol ïa ka Interna-tional School Sports Organisation (ISSO).
