Shillong, Nailar 23
Ka khubor na ki pulit ha ka Sngi Palei ka ïathuh ba u Nilmoni Dey u la ujor ba ha ka 21 tarik Nailar ha ka por kumba 7:30 mynstep, u la lap ba ki runar ki bym lah bn ithuh ki la leit prong sha ka Anushteral Temple, Shillong bad ki la tuh ïa ki tiar ki tar rnong ba pyndonkam ha ki jinglehniam, lai tylli ki synduk pisa, artylli ki ‘Trident’, uwei u kynjri ksiar, bad ki nar rod bad kine ki mar baroh kiba la shah tuh ki shongdor hapdeng T. 2 bad T. 3 lak.
Ha kawei pat ka khubor, ki pulit ki la ong ba u Kuku Singh Randhawa u la ujor ba ha janmiet jong ka 19 tarik Nailar, ki runar ki la tuh ïa ka thuk-thuk jong u (ML-05X-9901) na GS Road, Shillong.
Shuh shuh ki pulit ki la pyntip ba ka Namsin D Sangma ka la ujor ba ha ka 21 tarik Nailar ha ka por kumba 3 baje mynstep, ki runar ki la tuh noh ïa ka Mahindra Pick-up (ML-07B-5457) jong ka na ka shnong Chekwebiba, East Garo Hills. Kham hadien ki pulit ki la lap noh ïa kane ka kali na Mairang, Eastern West Khasi Hills, hynrei u nongñiah bad sa uwei pat uba la don lang ki la ïoh lad ban phet krad.
