Copenhagen, Nailar:
Ki bor pynïaid ka Iceland ki la pyntip ba utei u Lum mih ding uba don ha Southwest jong ka Iceland u la bthei bad kynshait ding ha katei ka Sngi Palei bad kane ka long ka sien ba 6 ba utei u lum un bthei bad kynshait ding naduh u Nohprah jong une u snem ba la leit ba u la sdang ban bthei biang.
Katkum ki dur bad video ba la ioh ring da ki nongshong shnong ba marjan bad utei u lum, la iohi ia ka ding ‘lava’ kaba la kynshait shalor suiñ ha ka por ba utei u lum u bthei bad kynshait ding shalor suiñ kumba ju long ha man ba bthei kitei ki Lum mih ding.
