Frankfurt, Nailar:
Ki pulit ka Germany ha ka Sngi Saitjaiñ ki dang thwet ia u runar uba don kti ha kam thombor, hadien ba 3 ngut ki la shah pyniap bad katto katne ngut pat ki la mynsaw ha ka nongbah Solingen ha katei ka sngi.
Nalor kitei ki 3 ngut kiba khlad, 8 ngut ki dei kiba la ngat bad mynsaw lang ha katei ka jingjia thombor kaba shyrkhei ha katei ka sngi, ha kaba 5 ngut ki dei kiba la mynsaw jur bha.
Ki pulit ki dang tohkit bniah ruh lyngba jong kitei kiba mynsaw, ban lap ia ka daw jong katei ka jingjia thombor ha katei ka sngi hynrei laong ba kitei kiba shah thombor ruh kim don jingithuh ia utei u runar uba leh ia katei ka kam ha katei ka jingjia.
