Agartala, Nailar:
Ki kyrtong ka Bharatiya Janata Party (BJP) bad ka CPI-M ha ka taïew ba la lah ki la phah ïa ki kot thep kyrteng jong ki kum ki kyrtong ki ban ïakhun tang ha kawei ka shuki ha Rajya Sabha ha Tripura ha kaba ka ilekshon kan long ha ka 3 tarik u Nailur.
U President jong ka seng BJP ha ka jylla Tripura u Rajib Bhattacharjee u la shah synran ha u Myntri Rangbah ka jylla u Manik Saha bad ha kiwei pat ki nongïalam ha ka por ba u la leit ai ïa ka kot thep kyrteng sha u Returning Officer u Suithuifru Mog ha ïingdorbar jong ka jylla.
U State Secretariat Member jong ka seng CPI-M jong ka Tripura bad u nongïalam jong ka seng Dalit u Sudhan Das la synran da u State Secretary bad u nongïalam ka liangpyrshah u Jitendra Chaudhury u la aiti ïa ki kot pynrung kyrteng ha u Returning Officer. U Saha, haba ïakren bad ki lad pathai khubor, hadien u la pynpaw ïa ka jingsngewskhem ba u Bhattacharjee un noh synñiang shibun ha ka roi ka par jong ka jylla hadien ba u la jop ïa ka ilekshon Rajya Sabha ban wan. U Bhattacharjee uba long u dkhot ba ïaineh ha ka Rashtriya Swayamsevak Sangh (RSS) ha kine ki 36 snem ba ladep, u khlem jop ha ka jingïakhun ïa ka ilekshon Assembly jong u snem ba la dep na ka thaiñ Banamalipur.
Ka jingshah jied jong u sha ka ïingorbar kaba ha khlieh duh ka la thikna namar ba ka BJP ka don 33 ngut ki dkhot ha kane ka ïingdorbar kaba 60 ngut dkhot ha ki ar tylli jong ka, ka Tipra Motha Party (TMP) bad ka Indigenous People’s Front of Tripura (IPFT) ki don 13 ngut bad uwei. Ka liang pyrshah ka Communist Party of India-Marxist (CPI-M) ka don 10 ngut ki MLA bad ka Congress 3 ngut.
