Shillong, Nailar 26
U coach ba thymmai ka Bayern Munich u Vincent Kompany u la ai jingïaroh ïa ka kynhun ïalehkai halor ka jingtbit na ka bynta ban pynliem ïa ka VfL Wolfsburg ha ka jingïalehkai ba nyngkong jong ka Bundesliga ha ka sngi U Blei.
Kane ka nam jop ka la wan urlong ha ka minit kaba 82 lyngba u Serge Gnabry na ka bynta ban pynlong ïa katei ka lahduh na Germany ba khur ïa ka jingjop da 3-2 kol ha Wolfsburg ha ka lympung Bundesliga bad kane ka long ka jingjop kaba nyngkong eh na ka bynta u Kompany, u la mih bujli ha ka jaka u Thomas Tuchel hadien ba um shym la lah ban pynurlong ïa ka kynhun kaba la hiar sha ka kyrdan balai ha ka aïom ba la lah.
Ka Bayern ka la lamkhmat da ka jingthep kol jong u Jamal Musiala ha ka minit kaba 19, hynrei ka la shah pynphai kylla lyngba ka penalty ar minit ba la bteng ïa ka kylla miet kaba la pynlong ïa ka kynhun ban pynïaid shakhmat.
Hadien katto katne katne por u Musiala u la pynbud biang ïa ka kol kaba ar ka jong u ha ka minit kaba 55. Ka Bayern ka la ïoh ei shi kol tang hadien shi minit lyngba ka jingbakla thep hi da u rangïalehkai ka liang pyrshah u Jakub Kaminsky. Shwa ban wai u Harry u la lah ban pynurlong ïa ka Bayern ban khur syndon ïa ka jingjop hadien ba u la ïoh ban thep ha ka minit kaba 82 na ka bynta ban khur ïa ki lai point.
“Nga sngewkmen eh, ka dei ka jingïakhun kaba nyngkong eh jong nga ha ka Bundesliga kum u coach” ong u Kompany, u manager barim ka Burnley hadien ba la wai ka jingïakhun.
