Ha Sor ki briew ki im da ka kamai die dukan shong-ïew ha Iewduh man la ka sngi bad ha ki dukan shnong kumjuh. Nalor kane ki don bun kiba im bylla kamai jakpoh da ki kam sorkar. Don kiba im bad kiba trei ha ki kam la jong kum ha ki karkhana shna kali, shet jingbam (kpu) bad kiba leit shna ïing shna sem. Ki don kiba im ka kamai ñiah kali Taxi, Auto bad kali kit maw kit shyiap. Don kiba lei tai um da kali ha kylleng ki shnong ki kyntoit ka sor. Ki don kiba im ka suh jain bad kiwei kiwei. Don kiba im die umphniang bam bad die petrol lyngba ki petroil pump. Don bun kiba im ka die khaw, die ja, die sha die doh Masi, doh sniang, doh syiar, dohkha, die juti sopti phong bad die jain. Ki don kiba im ka die nar rod, die rong bad die dewbilat ban ioh shna ïing shna sem.Don kiba die biri sikret, die waidong ha ki dong ki lad. Bad don kiba im ka kam hikai skul bad College. Don ki baim ki kam bylla bapher bapher ba bun jait, hangne ha sor Shillong.
Ka jingim ha nongkyndong pat ki briew ki im ka leit rep leit riang sha ki Bri ki bsah, ki rep lyngkha, ki thung ki jhur, ki soh ba bun jait. Ki don kiba im ka rep synsar, rep tympew, soh marit, rep kwai, rep phakaro, rep phandieng rep sohtrun. Don kiba im ka rep kba ha ki pynthor kba ba ki don. Tang khyndiat eh kiba im ha ki ophis sorkar kum ha ki Block ophis bad kiwei kiwei ha ki thaiñ nongkyndong. Don kiba im da ka kam hikai skul. Don mynta ha nongkyndong kiba im kamai ha ki jaka jngoh kai (Tourist sport). Dpon kiba im ka thaiñ kriah thaiñ shang bad ka thaiñ star. Don kiba im shna wait bad mohkhiew. Don kiba im ka bylla tih maw tih shyiap bad bun kiwei kiwei. Don kiba ioh kamai lyngba ki pung ri dohkha bad ri khñiang rusom. Kine ki long ki rukom im ha sor bad ha nongkyndong phi lah ban shem hapoh ri Khasi jongngi.
C. B. Iawphniaw
