Shillong, Nailar 27
Ka Young Talent Badminton Club (YTBC) na Mawlai ka la sei haduh 23 ngut ki khynnah ki ban ïashim bynta ha ka lympung ïalehkai 39th State Badminton Championship 2024, ka ban sdang naduh ka sngi Balang ha Multi Purpose Indoor Stadium jong ka SAI Training Centre kaba ha NEHU, Shillong.
Ïa kane ka lympung yn pynlong da ka YTBC ha ryngkat ka jingkyrshan lang da ka Meghalaya State Badminton Association.
Kine ki nongïalehkai ki kynthup ïa u Meshan Lyndem, Jayden Toi M. Nathaniel Kharmawphlang, Alfred Kharwanlang, Benhanan Kharwanlang, Lawanbiang Wanñiang, Unri Sani Syiemlieh bad u Vickie Nongrang. Ha ka liang ki kynthei ki long ka Deiphi Dohling, Haphisha Massar, Zinnia M. Kahit, Wansuk Shylla, Ridaphi Kharmawphlang, Sani Suting, Cathrisa Lyngdoh, Cathrine Lyngdoh bad ka Larihun Warjri. Ïa kane ka kynhun yn ïalang da u Kynsailang Mylliem Umlong kum u coach bad u T.Toi kum u Manager.
Na ka liang ka YTBC Mawlai ka la wer ïa baroh ki paidbah ban wan sakhi da la ki jong ki khmat ïa kane ka lympung ïalehkai ha kaba yn wan ïashim bynta da ki nongïalehkai na ki 11 tylli ki District bad kynthup ïa ka YTBC Mawlai. Ïa kane ka lympung yn pnkut ha ka sngi Saitjaiñ.
Ha kawei pat ka liang ia kane ka lympung yn plie da u MLA ka Sohra Constituency u Bah Gavin M. Mylliem kum u kongsan ha ryngkat u MLA ka Shella Constituency u Bah Balajied Synrem kum u symbud kongsan ha kaba yn ïadon lang ruh u MDC ka Mawlai u Bah Teibor Pathaw ha ryngkat ki dkhot ka MSBA bad ka YTBC.
