New Delhi, Nailar:
Ki heh nongialam ka India ha ka Sngi Ba-ar, ki la pyntip ba shen u Myntri Rangbahduh ka ri India- u Narendra Modi, ba u lah ban leit jurip sa sha Singapore ban tei ia ka jingiadei hapdeng ka India bad katei ka ri hynrei kim shym la pyntikna pat la ka India ka la dep pynbeit lypa ne em halor katei ka jingleit jurip jong u Modi sha Singapore bad kam shym la pynshai ruh ia ki jingthmu ba kyrpang haba iadei bad katei ka jingleit jong u ha kane ka sien.
Ia katei ka jingthmu leit jurip u Modi, la pynpaw teng da u Myntri ka tnat kam bar ri jong ka Singapore- u Vivian Balakrishnan hadien ba ki nongialam ka India bad Singapore ki la ioh ban shong jingialang ha kine ki khyndiat por ba la leit.
