Shillong, Nailar 28
Ka Ïaityllilang SC ka la pynjem khnap ïa ka Krang SC da 6-1 kol bad ka Umpling SC ka la jop da 5-1 kol ïa ka Lumdiengjri SC na ka bynta ban khur ïa ka jingjop ha ka lympung ïalehkai Third Division Football League 2024 ba la pynïaid da ka Shillong Sports Association (SSA) ha ka sngi Balang.
Ha kane ka jingïakhun kaba la long ha SSA Stadium Polo, u Elewell Kurbah u la khur ïa ka hat-trick na ka bynta ka Ïaityllilang hadien ba u la ïoh ban thep ha ka minit kaba 42, 55 & 85. Ïa ki ar kol la thep da u Joinborlang Kharumnuid (52 & 86) lem bad u Melawantei Kharmuti (90+2). Na ka liang ka Krang ka la pynphai kylla shi kol lyngba u Herly Nongbri (58).
Haba phai sha kawei pat ka jingïakhun kaba ar, ka Umpling ka la ïoh ban thep haduh san kol lyngba u Mebankitdor Nongkynrih uba la thep ha ka minit kaba 42, Lalremuaïa Rynthlei (57), Augustar Nongbri (59), Jonas Nongbri (62) bad u Henry Suting (85). Na ka liang ka Lumdiengjri ka la pynphai kylla shi kol lyngba u Wanshan Khonglam (65).
Ka jingïalehkai ha ka sngi Palei kan long hapdeng ka Gorkha Association pyrshah ïa ka Lawmali SC ha ka por 12:45, katba ka Sanmer SC ïa ka Rynjah SC ha ka por 3:45 janmiet.
