Nongstoiñ,Nailar 29
Kumba 158 ngut kynthei bad ki shynrang ki la ïashim bynta ha ka jingïakop mareh ba la tip kum ka “National Sports Day Run 2024” kaba la long ha ka sngi Palei ha Nongstoiñ.
Ïa kane ka jingïakop la pynlong da ka shlem trei kam jong ka District Sports Officer ka West Khasi Hills District haryngkat ka ki bor pynïaid District ka West Khasi Hills bad ka District Hub for Empowerment of Women haba hap hapoph ka ophis jong ka District Social welfare Officer and District Sports Promotion Society, WKHD.
Ha ka jingïakop mareh kaba 10k Run ha ka kyrdan senior (above 19) la khur ïa ka nam lahduh da u Banjoplang Wanñiang, ba-ar u Donboklang Shan -goi bad ba lai u Seibor-lang Kharbani. Ha ka liang ki kynthei la rah da ka Inocensia Tympuiñ, ba-ar ka Iutiful Tympuiñ bad ïa ka kyrdan ba lai la khur da ka Pynhunlang Puweiñ.
Shuh shuh ha ka jingmareh kaba 5K Run (Senior Under-19) la rah da u Phailang Rngaid, ba-ar u Shankupar Puweiñ bad balai u Banteilang Kharmusulman. Ha ka liang ki kynthei la rah da ka Phibapyntngen Nong-phud, ba ar ka Ioris Syiem bad ïa ka kyrdan b alai la khur da ka Emidalin L. Rngaid bad ba saw ka Ibajelas Nongsiej.
Ïa ki khusnam sha kitei ki nongjop la sam da u Bah Evanmi Lyngdoh (EAC) kum u kongsan ha ka jingdonlang ruh u Bah Kynsai Marbaniang, Dis-trict Social Welfare kum u symbud kongsan bad ka Kong Balarina Syiem, District Sports Officer ka West Khasi Hills District bad kiwei.
