Shillong, Nailar 30
U Symbud Myntri Rangbah ka Jylla, Bah Sniawbhalang Dhar ha ka Sngi Thohdieng u pynsngew halor ka jingdon jong ki karkhana pynmih dewbilat bad ki karkhana pynmih ‘Coke’ hapoh ka Jylla.
Haba jubab hapoh ïingdorbar ïa ka ‘Half Hour Discussion’ ba la wanrah da u MLA ka North-Shillong, Bah Adelbert Nongrum, ha ka sngi kut jong ka Dorbar Synrai, u Bah Dhar u la ong ba kumba ka long mynta, ki don 11 tylli ki karkhana pynmih dewbilat (limited companies) kiba treikam hapoh ka Jylla.
Kine ki kynthup ïa ka M/s Star Cement Ltd., M/s Meghalaya .Cement Ltd., M/s Amrit Cement Ltd., M/s Dalmia Cement (Bharat) Ltd., M/s Green Valley Industries Ltd., M/s Hills Cement Company Ltd., M/s Star Cement Meghalaya Ltd., M/s Megha Technical & Engineers Pvt. Ltd., M/s Jaiñtia Cement Ltd., M/s Goldstone Cements Ltd. bad M/s RNB Cements Ltd.
Ha kajuh ka por, u la ong ba ki don 4 tylli ki karkhana pynmih dewbilat (limited companies) ki bym treikam ba kynthup ïa ka M/s JUD Cements Ltd., M/s Virgo Cements Ltd., M/s Billenium Cements Ltd. bad M/s Mawmluh Cherra Cements Ltd.
U la ong ruh ba na kitei ki 15 tylli ki karkhana pynmih dewbilat, 11 tylli (Star Cement Ltd., Meghalaya Cement Ltd., Amrit Cement Ltd., Dalmia Cement (Bharat) Ltd., Green Valley Industries Ltd., Hills Cement Company Ltd., Star Cement Meghalaya Ltd., Megha Technical & Engineers Pvt. Ltd., Jaiñtia Cement Ltd., JUD Cements Ltd. bad Goldstone Cements Ltd.) ki la pynïeng ïa ki karkhana ha ki jaka lajong katba ki 3 tylli kiwei pat – Mawmluh Cherra Cements Ltd., Virgo Cements Ltd. bad Billenium Cements Ltd., ki la shim wai ïa ka jaka na ki trai jaka shimet bad kawei pat ka karkhana – RNB Cements Pvt. Ltd ka la pynïeng ïa ka karkhana ha ka jaka ba la shim wai na ka tnad Commerce & Industries.
Nalor kine, ki don ruh 17 tylli karkhana pynmih ‘Coke’ (limited companies) kiba treikam hapoh ka Jylla.
Kine ki kynthup ïa ka M/s Abhi Coke Pvt. Ltd., M/s Jaiñtia Coke Pvt. Ltd., M/s Ioanis Industries Pvt. Ltd., M/s Khlieh Um Im Coke, M/s Kantalo Coke, M/s Shemphang Riangshiang, M/s Mahajong Coke LLP, M/s Unique Industry, M/s Syrpailang Coke Co., M/s N.M. Fuels, M/s Jaiñtia Coke Industries, M/s Meghalaya Coke, M/s Big Mahrana Coke, M/s North East Carbon Industries, M/s Carbochem India, M/s Rilangam Coke Industry bad M/s M.D. Coke Industries.
Shuh shuh u Symbud Myntri Rangbah u la bynrap ba na kite ki 17 tylli, 2 tylli (Abhi Coke Pvt. Ltd., Jaiñtia Coke Pvt. Ltd.) ki la pynïeng ïa ki karkhana ha ki jaka lajong bad ka jingpynshisha haba ïadei bad ki 15 tylli kiwei pat yn sa sdang shen.
