Shillong Nailar 30
Ka Kynhun Myntri (Cabinet) ka Sorkar Jylla kan sa ïakynduh ha ka taïew ban wan ban ïakren bad shim rai halor ka samoi treikam ki ar tylli ki District Council (KHADC bad KHADC) kiba dang donkam ban pynjlan sa katto katne bnai katba ym pat lah ban pynbit pynbiang ïa ka rukom pynbeit thymmai ïa ki konstitwensi.
Ka tyllong khubor ka ïathuh ba ka tnat District Council Affairs kan sa wanrah ïa kane ka mat ha ka jingïalang jong ka Kynhun Myntri bad yn sa shim ïa ka rai ban pynjlan biang sa katto katne bnai tad haduh ban dep pynkhreh ïa ka thup kyrteng ki nongthep vote katkum ki konstitwensi kiba la pynbeit thymmai.
